ich bi schiinbar nümä gspärt dadrin und erlaubä mir äs paar wörtli uf schwyzärtütsch tschriibä. du häsch im off topic mitgläsä, isch mär uufgfallä, drum au, dan i da nümä gspärt bin, will du deetä au dur bewärtigä mängisch ächli zuästimmig und intärässä signalisiärt häsch, abär niä für öppis won ich gschriebä hetti, ehndär ämalä au wän sich öpär ä chli lustig gmachät hät über mich oder mir uf dä sack gangä isch. mir sind da ächli im ussland, ämäl ich. und äs bizäli solidarität, grad bi mentalitätskonfliktä, het i mängisch bruuchä chönnä, au als motivation überhaupt öpis tschriibä.
da, i dim chlinä riichli, häsch ä diskussion usglöschäd, i därä ich s schwyzär politischä syschtem verteidigt han mit argumämt gägä kritischi fragä vomänä tütschä, äs au versuächt han zärklärä. au da bisch endär uufgfallä dur unterdrückä däfo, nöd dur äs bizäli solidarität oder verstänntis für mimi argumätation und verteidigung fo eusäm eimaligä syschtem. was isch dännä da läts dadra, gottfriedstutz, das au ämale öppis vehemännt zferteitigä, gägä blödi oberflächlichli und arroganti iiwänd. wotsch dännä öppä liäbär än tütschä si gar am änds, bi jedäm cheibä mischt und denä in arsch chrüchä? ich nöd.
jez isch dä fadä scho äs ganz äs wiili versunkä, niämär hät me öppis gschribä, au du nöd. ich au nöd, häsch mi ja liebär usgschpärrt, als dan ich als än schwyzär, imänä mehrheitli tütschä forum da mängisch viilicht ämal öppis drischriibä hetti chönnä, i miinärä art halt. find ich unverstänli und erwartä au kei erklärig fo dir, viillicht probiärsch äs abär trotzdem, oder schämsch di däfür, das äs au öppis ruucheri mentaltätä git bi eus, und nöd nummä diä polliärtä, akademischä und gschliffänä fo dä iibildätä stetär, wo zeelät und definiärät vo obä abä, sondärn vo unä ufä au, das isch än unterschiid zum grossä kanton, dä isch prägäd fo früänär no, vom adäl.
han grad luscht gha ämalä ä chli dialäkt tschriibä und bruuchä dadäzuä din fadä, wän mi scho enspärt häsch.
|